ތާރީޚު ހެކިދޭގޮތުގައި ކާމިޔާބީގެ އަސްލަކީ ހަމައެކަނި ބާރާއި ނުފޫޒުގެ ބޮޑުމިނެއް ނޫނެވެ. އޭގެ ބަދަލުގައި، ތާރީޚު އިނާމު ދެނީ ދެމެހެއްޓެނިވި ނިޒާމުތަކަށެވެ. ގިނަ އިމްޕަޔަރަތަކެއް ކުއްލި ގޮތަކަށް އުފެދި، މަދު ޖީލުތަކެއްގެ ތެރޭގައި ފުނޑުފުނޑުވެގެންދާއިރު، ބައެއް އިމްޕަޔަރަތައް އެތައް ޤަރުނެއް ނުވަތަ އެތައް ހާސް އަހަރަކަށް ދެމިގެންދެއެވެ.

އެފަދަ ތަހުޒީބުތަކުގެ ސިއްރަކީ ހަމައެކަނި ހަނގުރާމަވެރި ފަތަހަތަކެއް ނޫނެވެ. އެއީ މުއައްސަސާތަކުގެ ވަރުގަދަކަމާއި، ހާލަތަށް ބަދަލުވުމުގެ ޤާބިލުކަމާއި، އަދި އިޤްތިޞާދީ ގޮތުން ލާމެހިފައިވުމެވެ.

ތަފާސްހިސާބުތަކުން އަންދާޒާކުރެވޭ ގޮތުގައި އިންްޕަޔަރެއްގެ އެވްރެޖް އުމުރަކީ 200 އާއި 300 އަހަރާ ދެމެދުގެ މުއްދަތެކެވެ. 500 އަހަރަށްވުރެ ގިނަ ދުވަހު ދެމިއޮތުމަކީ އާންމު ކަމެއް ނޫނެވެ. އެހެންކަމުން، މިޞްރު، ޗައިނާ، ވެނިސް އަދި އުސްމާނީ ދައުލަތް ފަދަ ބާރުތަކަކީ ތާރީޚީ ގޮތުން ނުހަނު ނާދިރު މިސާލުތަކެކެވެ. 

ގަދީމީ މިޞްރު (2,800 އަހަރު)
މުއްދަތު: ގާތްގަނޑަކަށް މީލާދުގެ 3,100 އަހަރު ކުރިން ފެށިގެން މީލާދުގެ 332 އަހަރު ކުރިއަށް. ޖިއޮގްރަފީގެ ހަމަޖެހުން: ނީލަކޯރުގެ ސަބަބުން ދަނޑުވެރިކަމަށް އިތުބާރު ހުރި ނިޒާމެއް ލިބިފައިވުމާއި، ސަހަރާގެ ގުދުރަތީ ހުރަސްތަކުގެ ސަބަބުން ބޭރުގެ ހަމަލާތަކުން ރައްކާތެރިވުން.

މުއައްސަސާތަކުގެ ދެމިއޮތުން: ވަރުގަދަ މަރުކަޒީ ރަސްކަމަކާއި (ފިރުޢައުނު)، ހަރުދަނާ ބިއުރޯކްރަސީއެއްގެ ސަބަބުން އެކި ދަރިކޮޅުތައް ބަދަލުވިޔަސް އިދާރީ ނިޒާމު ދެމިއޮތެވެ.

ސަގާފީ އެއްބައިވަންތަކަން: ދީނީ ގަބޫލުކުރުންތަކުން ސިޔާސީ ބާރުވެރިކަމަށް "މުޤައްދަސް" ހުއްޖަތެއް ލިބިދިނުން.

އިންްޕީރިއަލް ޗައިނާ (2,100 އަހަރު)
މުއްދަތު: މީލާދުގެ 221 އަހަރު ކުރިން ފެށިގެން މީލާދީން 1912 އަށް.
އިލްމީ ހިންގުމުގެ ނިޒާމު: 'ސިވިލް ސާވިސް' އިމްތިހާނުތަކުގެ ސަބަބުން، ޤާބިލު މީހުން ހިންގުމުގައި ބޭތިއްބުމުގެ ނިޒާމެއް ގާއިމުވުން.
ދަރިކޮޅު ބަދަލުވުމުގެ ސިލްސިލާ: ވެއްޓުމަކަށްފަހު އަލުން އިޞްލާޙުވެ، އެއްބައިވުމުގެ ޤާބިލުކަން ލިބިފައިވުން. މިއީ މުޅި ތަހުޒީބު ނެތިދިއުމުގެ ބަދަލުގައި، ނިޒާމު އަމިއްލައަށް އާބާތުރަ ފިލުވައިދޭ ކަމެކެވެ.
ސަގާފީ އިމާދު: އެއް ލިޔުމުގެ ނިޒާމަކާއި ކޮންފިއުޝަނިޒަމްގެ ފަލްސަފާއަކީ މުޅި މުޖުތަމަޢު ބައްދަލުކޮށްދިން ބާރެވެ.

އުސްމާނީ ދައުލަތް (600 އަހަރު)
މުއްދަތު: ގާތްގަނޑަކަށް މީލާދީން 1299 އިން 1923 އަށް.
ލޯބޯކަން (Flexibility): ތަފާތު ސަގާފަތްތަކާއި ދީންތަކުގެ މީހުން އުޅޭ ސަރަހައްދުތަކުގައި، ހާލަތާ އެއްގޮތަށް ހިންގުމުގެ ނިޒާމަށް ބަދަލު ގެނައުން.
ވިޔަފާރީގެ މަރުކަޒު: އިރުމައްޗާއި ހުޅަނގުގެ މެދުގައިވާ މުހިންމު ވިޔަފާރި މަގުތައް ކޮންޓްރޯލްކޮށް، ދައުލަތުގެ އިޤްތިޞާދީ ބިންގާ ވަރުގަދަކުރުން.

ރިޕަބްލިކް އޮފް ވެނިސް (1,100 އަހަރު)
މުއްދަތު: މީލާދީން 697 އިން 1797 އަށް.
އިޤްތިޞާދީ ބާރު: ކަނޑުގެ ވިޔަފާރިއާއި މާލީ ނިޒާމުގެ ތެރެއިން މުއްސަނދިކަން ހޯދުން.
ސިޔާސީ ހަމަޖެހުން: އޮލިގާކިކް ރިޕަބްލިކް ނިޒާމުގެ ސަބަބުން، ރަސްކަންތަކުގައި އާންމުކޮށް ފެންނަ ކުއްލި ބަޣާވާތްތަކާއި ބާރުގެ ކޯޅުންތަކުން ސަލާމަތްވުން.

ދެމިއޮތުމުގެ ހަތަރު އަސާސީ ތަނބު
ތާރީޚީ ހުރިހާ މިސާލުތަކަކުން ފެންނަނީ ގުޅިފައިވާ ހަތަރު ސިފައެކެވެ:
މުއައްސަސާ އިސްކުރުން: ކުރު އުމުރުގެ އިންްޕަޔަރުތައް ބިނާވެފައިވަނީ ވަކިވަކި ލީޑަރުންގެ މައްޗަށެވެ. ނަމަވެސް، ދިގުދެމިގެންދާ ބާރުތައް ބިނާވެފައިވަނީ ލީޑަރުން ބަދަލުވިޔަސް ދެމިއޮންނަ ވަރުގަދަ ނިޒާމުތަކުގެ މައްޗަށެވެ.

ހާލަތަށް ހޭނުން (Adaptability): ހަރުކަށި ނިޒާމުތައް ފުނޑުފުނޑުވެއެވެ. އާ ހާލަތްތަކާއި ގޮންޖެހުންތަކަށް ބަދަލުވާ ނިޒާމުތައް ދެމިއޮވެއެވެ.
އިޤްތިޞާދީ ލާމެހުން: މީހުންނާއި ބާޒާރުތައް ގުޅުވައިދޭ އިންްޕަޔަރުތައް ގިނަ ދުވަހު ދެމިއޮވެއެވެ. މުއްސަނދިކަމަކީ ހަމައެކަނި އެއްކުރާ އެއްޗެއް ނޫނެވެ، އެއީ ދައުރުކުރާ އެއްޗެކެވެ.
ޝަރުޢީ ހައިސިއްޔަތު (Legitimacy): ނިޒާމަށް ރައްޔިތުން އިތުބާރުކުރުމަކީ އެތެރޭގެ ހަމަނުޖެހުންތަކާއި ބަޣާވާތްތައް މަދުކޮށްދީ، ދައުލަތުގެ އުމުރު ދިގުކޮށްދޭ ކަމެކެވެ.

މިޒަމާނުގެ އަޅާކިޔުމެއް: އެމެރިކާ (249 އަހަރު)
އެމެރިކާ އުފެދުނީ 1776 ގައެވެ. 2025 އަށް އެ ގައުމުގެ އުމުރަކީ ގާތްގަނޑަކަށް 249 އަހަރެވެ. ގަދީމީ އިމްޕަޔަރަތަކާ އަޅާބަލާއިރު މިއީ އަދި ވަރަށް ޅަ އުމުރެކެވެ.
އެމެރިކާ މިހާރު މިވަނީ އިންްޕަޔަރުތަކުގެ އެވްރެޖް އުމުރު (200-300 އަހަރު) ހަމަވާ މަރުހަލާގައެވެ. މިއީ ސުވާލެއް އުފެދޭ ކަމެކެވެ: މިޒަމާނުގެ ދައުލަތްތައް ތާރީޚީ މި އޮއިވަރާ އެއްގޮތަށް ނިމިގެންދާނީ ހެއްޔެވެ؟ ނުވަތަ އާ އުޞޫލުތަކަކާއި ބަދަލުތަކާއެކު އާ މިސާލެއް ދައްކާނެ ހެއްޔެވެ؟

ބާރުވެރިކަމުގެ ހަގީގީ މާނަ
ތާރީޚުން ހާމަވާ ބޮޑު ހަޤީޤަތަކީ މިއެވެ: ދިގުދެމިގެންދާ އިމްޕަޔަރަތަކަކީ އެންމެ ވަރުގަދަ ބާރުތަކެއް ނޫނެވެ. އެއީ ހާލަތަށް އެންމެ ބޮޑަށް ބަދަލުވާ ބާރުތަކެވެ.
އެ ބާރުތަކުން:ވަކިވަކި ފަރުދުންގެ ބަދަލުގައި މުއައްސަސާތައް ބިނާކުރެއެވެ.
ހަމައެކަނި ބިން ހޯދުމުގެ ބަދަލުގައި އިޤްތިޞާދުތައް ލާމެހެއެވެ. ބަދަލުތަކާ ދެކޮޅު ހެދުމުގެ ބަދަލުގައި އެ ބަދަލުތަކަށް ހޭނެއެވެ.

ތާރީޚުގެ ދިގު ދަތުރުގައި، ބާރުވެރިކަމަކީ ވަކި ދުވަސްވަރެއްގައި ގަދަވެގަތުމެއް ނޫނެވެ؛ އެއީ އެތައް ޒަމާނެއްގެ ބަދަލުތަކުން ސަލާމަތްވާނެ ނިޒާމެއް ފަރުމާކޮށް ދެމެހެއްޓުމެވެ.

ނޯޓް: އިމްޕަޔަރަ (Empire)، މިއީ އާންމުކޮށް އެއް ރަސްކަލެއް ނުވަތަ އެއް ވެރިއެއްގެ ދަށުން ހިނގާ، ބޮޑު ސަރަހައްދަކަށް ފެތުރިފައިވާ ގައުމުތަކެއް ނުވަތަ ދައުލަތްތަކެއްގެ މައްޗަށް ބުނެވޭ ނަމެކެވެ.