ޗެލްސީން މި ކާމިޔާބު ހޯދީ، ރޭ ކުޅުނު ފައިނަލް މެޗްގައި ރެއާލް ބެޓިސް ބަލިކޮށް 1-4 ގެ ނަތީޖާއަކުންނެވެ.

މެޗު ފަށައިގެން ނުވަ ވަނަ މިނެޓްގައި ބެޓިސްގެ އެޒަލްޒޫލީ އެ ޓީމަށް ލީޑު ނަގައިދިނީ އޭރިއާ ތެރެއިން ލިބުނު ބޯޅަ ގޯލުގެ ތިރީ ކަނަށް އަމާޒުކޮށް ގެންނެވެ.

އޭގެ ފަހުންވެސް ބެޓިސްއަށް ލީޑު ފުޅާކޮށްލަން ރަނގަޅު ފުރުސަތުތަކެއް ލިބުނު ނަމަވެސް އޭގެ ފަހުން ދެ ޓީމަށްވެސް އިތުރު ލަނޑެއް ނުޖެހި ފުރަތަމަ ހާފް ނިމުނެވެ.

އަދި މެޗުން ނިމެން 25 މިނެޓް އޮތްވާ، ކޯލް ޕާމާގެ މޮޅު ހުރަހަކުން އެންޒޯ ފެނާންޑޭޒް ޗެލްސީއަށް ނަތީޖާ އެއްވަރުކޮށްދީފައި ވަނިކޮށް، 70 ވަނަ މިނެޓްގައި ޕާމާ އަނެއްކާ ވެސް ތަނަވަސްކޮށްދިން ހުރަހަކުން ލަނޑު ޖަހައި ނިކޮލަސް ޖެކްސަން ޗެލްސީއަށް މެޗުގެ ލީޑު ނަގައިދިނެވެ.

އޭގެ ފަހުން ޗެލްސީގެ ލީޑު ފުޅާކުރީ ޖޭޑަން ސަންޗޯ ބެޓިސްގެ ގޯލުގެ މަތީ ކަނަށް އަމާޒުކުރި ބޯޅައާއެކުއެވެ. އަދި ޗެލްސީއަށް ޗެމްޕިއަންކަން ކަށަވަރުވެގެންދިޔައީ އިތުރު ވަގުތުގައި އޭރިއާ ބޭރުން މޮއިސެސް ކައިސޭޑޯ އަމާޒުކުރި ބޯޅައާއެކުއެވެ.

ޗެލްސީ އަކީ ފައިނަލެއްގައި ސްޕެއިންގެ ޓީމެއް 2002 ވަނަ އަހަރުން ފެށިގެން ބަލިކުރި ހަމައެކަނި ބިދޭސީ ޓީމް ކަމަށްވާއިރު، ފާއިތުވި 2024 ވަނަ އަހަރު ވެސް ޔޫއެފާ ކޮންފަރެންސް ލީގުގެ ޗެމްޕިއަން ޓީމްކަން ފާހަގަކޮށްލެވެއެވެ.