ކޭ-ޕާކް ރެސިޑެންސް ކިޔާ ހައުސިންގ ޔުނިޓްތަކެއް ހުޅުމާލޭގައި ތަރައްގީކުރަން ފަށާ، އެތައް ބަޔަކަށް އޮޅުވާލަައިގެން، އެތަންތަން ވިއްކުމުގައި މަކަރާ ހީލަތް ހެދި މައްސަލައިގައި ދައުވާތަކެއް އުފުލާފައިވާ ޙަސަން މަމްދޫހު (މަންޑޭ) އޭނާގެ ޝަރީއަތް ނިމެންދެން ބަންދުގައި ބެހެއްޓުމަށް ކްރިމިނަލް ކޯޓުން އަމުރުކޮށްފި އެވެ.

މައްސަލަ ބެއްލެވި ގާޒީ ޢަލީ ނަދީމް ވިދާޅުވީ، މަމްދޫހު ބަލިވެގެން ކަމަށް ބުނެ ޝަރީއަތަށް ހާޒިރުވާން އުޒުރުވެރިވެ ހުށަހެޅި މެޑިކަލް ސެޓްފިކެޓްތަކުގައި ކޯޓަށް ހާޒިރު ނުވެވޭވަރުގެ އެއްވެސް ބައްޔެއް ހުރިކަމަށް ބެލެވެން ނެތް ކަމަށާއި، އޭނާ ބޭރުތެރެއިން ވެސް ފެނިފައިވާކަމަށެވެ.

އެހެންކަމުން ޝަރީއަތް ނިމެންދެން އޭނާ ބަންދުގައި ބެހެއްޓުމަށް އަމުރުކޮށްފައި ވަނީ ގިނަ އަޑުއެހުންތަކަށް އެއްވެސް ސަބަބެއް ނެތި ހާޒިރުނުވުމާ ގުޅިގެން ކަމަށް ވެސް ގާޒީ ޢަލީ ނަދީމް ވިދާޅުވިއެވެ.