ގުޅީފަޅު ސަރަހައްދު - ފޮޓޯ: ކޮންސްޓްރަކްޝަން މިނިސްޓްރީ
މަރުވެފައި އޮތް މީހަކު ކަނޑުމަތިން ފެނިއްޖެ
ޖުނާން އަޙުމަދު 18 ޑިސެމްބަރ 2025 (ބުރާސްފަތި) 16:03
ގުޅީފަޅު ކައިރި ކަނޑުމަތިން މަރުވެފައި އޮތް މީހަކު ފެނިއްޖެއެވެ.
ފުލުހުން ބުނީ ގުޅީފަޅު ކައިރި ކަނޑުމަތިން މަރުވެފައި އޮތް މީހަކު ފެނިފައިވާކަމުގެ މައުލޫމާތު މިއަދު މެންދުރު 13:21ހާއިރު ލިބިފައިވާކަމަށެވެ.
އަދި އެމީހާގެ ހަށިގަނޑު ކަނޑުން ނަގައި އައިޖީއެމް ހޮސްޕިޓަލަށް މިހާރު ގެންގޮސްފައިވާކަމަށާ، މަރުވެފައި އޮއްވައި ފެނިފައިވަނީ ބިދޭސީ ފިރިހެނެއްކަމަށްވެސް ފުލުހުން ބުންޏެވެ.
މި މައްސަލައާ ގުޅިގެން މައުލޫމާތު ލިބޭ ވަރަކުން މައުލޫމާތު ހިއްސާކުރަމުން ގެންދާނެކަމަށާ، މިމައްސަލައާ ގުޅިގެން ބަލަންޖެހޭ ކަންކަން ފުލުހުން ބަލަމުންދާކަމަށް ވެސް ފުލުހުން ބުންޏެވެ.
ކޮމެންޓް
