ރައްޔިތުންގެ މަޖިލީހުގެ ފަރާތުން ގެޒެޓުގައި ކޮށްފައިވާ އިއުލާނުގައި ބުނެފައިވަނީ "ރައްޔިތުންގެ މަޖިލީހުގެ އިދާރާއަށް 95 އެގްޒެކްޓިވް މީޑިއަމް ބެކް ޗެއަރ ގަތުމަށް" ބޭނުންވާ ކަމަށެވެ.

އިއުލާނާއެކު އާންމުކޮށްފައިވާ މައުލޫމާތު ލިޔުންތަކުން އެނގޭ ގޮތުގައި، މަޖިލީހަށް ގަންނަން އިއުލާން ކޮށްފައިވަނީ މެންބަރުން މިހާރުވެސް އިށީނދެވަޑައިގެން ތިއްބަވާ ވައްތަރުގެ ގޮނޑިއެވެ.

އެ ވައްތަރުގެ 95 ގޮނޑި ބޭނުންވެގެން ބީލަމަށް ހުޅުވާލާފައިވާއިރު، މިހާރު ހިނގަމުންދާ 20 ވަނަ ރައްޔިތުންގެ މަޖިލީހުގެ ޖުމްލަ މެންބަރުންގެ އަދަދަކީވެސް 95 އެވެ.

މި ބީލަމުގައި ބައިވެރިވުމަށް ޖެހެނީ އޮންލައިންކޮށް ރަޖިސްޓްރީ ވާށެވެ. ރަޖިސްޓްރީވުމުގެ ސުންގަޑިއަކީ 25 އެޕްރީލް 2026 ވާ ހޮނިހިރު ދުވަހުގެ 23:59 ގެ ކުރިންނެވެ.