ވިޖޭ އިސްވެ ހުންނަވާ އަލަށް އުފެއްދި ޕާޓީ، ޓީވީކޭ (ތަމިލަގަ ވެއްޓްރި ކަޒަގަމް) އަށް 108 ގޮނޑި ކާމިޔާބުކޮށްފައި ވާއިރު އެ އިންތިހާބު އޮތީ ހޯމަދުވަހުއެވެ.

އަދި އިންޑިއާގެ އިދިކޮޅު މައި ޕާޓީ ކަމަށްވާ ކޮންގްރެސް އިން އެ ޕާޓީއަށް ލިބުނު ފަސް ގޮނޑީގެ ތާއީދު ވެސް ވިޖޭއަށް ދޭން ނިންމާފައި ވާއިރު، ވިޖޭ އުފެއްދި އަމިއްލަ ސިޔާސީ ޕާޓީއެއްގައި ލޯންޗް ކުރުމަށް ފަހު އެ ޕާޓީގެ ރައީސަކަށް އިންތިހާބު ވެފައި ވަނީ ވެސް، ވިޖޭ އެވެ.

އަދި އެ ޓީމުގެ އިސް ބޭފުޅަކާއި ހަވާލާދީ އިންޑިއާގެ އެންޑީޓީވީން ބުނެފައިވަނީ އިންޑިއާގެ އިލެކްޝަންސް ކޮމިޝަނުގައި ޕާޓީ ރަޖިސްޓްރީ ކުރުމުގެ މަސައްކަތުގައާއި، އެ ޕާޓީގެ އާންމު މަޖިލީހުގެ 200 އެއްހާ މެންބަރުން ރަޖިސްޓްރީ ކުރުމުގެ ކުރިން ބޭއްވި ބައްދަލުވުންތަކުގައި ވެސް އިސްކޮށް ބައިވެރިވެފައިވާ ކަމަށެވެ.

އަދި ޕާޓީގެ ޖެނެރަލް ސެކްރެޓަރީ އާއި ހަޒާންދާރު ވެސް އައްޔަންކޮށްފައިވާއިރު ސެންޓްރަލް އެގްޒެކެޓިވް ކޮމެޓީއެއް ވެސް އެކުލަވާލައިފައި ވާއިރު، އެ ޕާޓީގެ ނަމާއި ރަޖިސްޓްރީ ކުރުމާ މެދު ގޮތެއް ނިންމައި އިންތިހާބީ ސިޔާސީ މައިދާނަށް ނުކުތުމުގެ ބާރު އެ ކައުންސިލުން ދީފައި ވަނީ ވިޖޭއަށެވެ.

ތަމަޅަ ސިނަމާގެ ކުރިއަށް އޮތް ރަޖްނީކާންތުގެ ރޯލުން ފެނިގެންދާ ވިޖޭ އަންނަނީ އޭނާގެ ފޭން ކްލަބްތަކަށް ހިލޭ ކާބޯތަކެތި ބެހުމާއި ތައުލީމީ ސްކޮލަޝިޕްތަކާއި ލައިބްރަރީތަކާއި ހަވީރު ޓިއުޝަން ގެ އިތުރުން ގާނޫނީ އެހީތެރިކަން ފޯރުކޮށްދިނުމާއި، ޗެރިޓީ އަދި ވެލްފެއާގެ ގިނަ މަސައްކަތްތަކެއް ކުރަމުންނެވެ.

ދާދި ފަހުން އޭނާ ވަނީ ޕަބްލިކް އިމްތިހާނުން އެއްވަނަ އަށް ދާ ދަރިވަރުންގެ އަގު ވަޒަންކޮށް އިނާމު ދިނުމުގެ ގޮތުން ދާއިރާތަކަށް ބަހާލައިގެން ޕްރޮގްރާމެއް ބާއްވާފައެވެ.

69 ފިލްމު ކުޅެފައިވާ، އުމުރުން 51 އަހަރުގެ ވިޖޭގެ ބައްޕައަކީ މަޝްހޫރު ފިލްމު ޑައިރެކްޓަރު ޗަންދްރަޝޭކަރެވެ. ވިޖޭގެ ފިލްމުތަކަކީ އާންމުންގެ މެދުގައި ވަރަށް ނާޒުކު އަދި މުހިންމު މައުލޫތަކަށް ކުޅެފައިވާ ފިލްމްތަކެއް ކަމަށްވާއިރު، އޭނާގެ ބައެއް ފިލްމުތަކުން ވެސް ފާއިތުވި އަހަރުތަކުގައި ސަރުކާރުތަކަށް ޓާގެޓް ކުރުމުގައި ހިޔާލު ތަފާތުވެ ސްޓޭންޑްތަކެއް ނަގާފައިވާކަން ފާހަގަކޮށްލެވެއެވެ.

ތަމަޅަ ނާޑޫގައި ފިލްމީ ތަރިން ސިޔާސީ މައިދާނަށް ނުކުތުމަކީ އާ ކަމަކަށް ނުވާއިރު، 2024 ވަނަ އަހަރު ޓީވީކޭ ޕާޓީ އުފެއްދުމަށްފަހު، ސިޔާސީ ދާއިރާއަށް ވަގުތު ހުސްކުރުމަށްޓަކައި އޭނާ ވަނީ ފިލްމީ ދާއިރާއިން ދުރަށްދާނެކަން ވެސް އިއުލާންކޮށްފައެވެ.

ވިޖޭގެ މި ކާމިޔާބީ ގުޅުވަނީ 1977 ވަނަ އަހަރު ޑީއެމްކޭ އިން ވަކިވެ އަމިއްލަ ޕާޓީއެއް (އޭއައިއޭޑީއެމްކޭ) އުފައްދަވައި ޗީފް މިނިސްޓަރުކަން ހޯއްދެވި މަޝްހޫރު ފިލްމީ ތަރި އެމްޖީ ރާމަޗަންދުރަންގެ ކާމިޔާބީއާއެވެ. ވިޖޭގެ ޕާޓީން ވަނީ ޒަމާންތަކެއް ވަންދެން ވެރިކަންކުރަމުން އައި ޑީއެމްކޭ އަދި އޭއައިއޭޑީއެމްކޭގެ ބާރު ކަނޑުވާލައި، މިފަހަރުގެ އިންތިހާބުގައި އެންމެ ބޮޑު ޕާޓީގެ މަގާމު ހޯދާފައެވެ.