އެންމެ ފުރަތަމަ މާލޭ ސަރަޙައްދުން ދެ މީހަކު ހިމަބިއްސަށް ޕޮޒިޓިވްވެފައި ވަނީ މިދިޔަ ހަފުތާގެ ތެރޭގައި ކަމަށް ވާއިރު، މި ފެނުނު ދެ ކޭސްއާ އެކުގައި މިހާރު މުޅިޖުމްލަ 9 ކޭސް ރާއްޖެއިން ވަނީ ފެނިފައެވެ.

މި ފެނުނު 9 ކޭސްގެ ތެރެއިން 6 ކޭހަކީ މި ހިނގާ މެއި މަހު ފެނުނު ކޭސްތައް ކަމަށާ، މިވަގުތު ފަސް ކޭސްގެ ތަހުގީގު ކުރިއަށްދާއިރު، އެ ފަސް ކޭހާ ގުޅުންހުރި 128 ކޮންޓެކްޓުން ފާހަގަކުރެވި، އެ މީހުން މޮނިޓާކުރަމުންދާ ކަމަށް ވެސް އެޗްޕީއޭއިން ބުންޏެވެ.

ހިމަބިހި ޖެހެނީ، ބަލި ޖެހިފައިވާ މީހަކު ކެއްސާ ކިނބިހި އަޅާއިރު، ނޭވާލާ ނިޒާމުގެ ތެރެއިން ކަމަށް އެ އެޗްޕީއޭއިން ބުނެއެވެ. އެހެންވެ، އެހެންކަމުން އަލާމާތްތަކަށް ސަމާލުވުމަކީ ބަލި އިތުރަށް ފެތުރުން ހުއްޓުވުމަށް އެޅޭނެ މުހިއްމު ފިޔަވަޅެއް ކަމަށް ވެސް އެޗްޕީއޭއިން ބުންޏެވެ.

ހިމަބިހީގެ މައުލޫމާތުތަކުގެ ތެރޭގައި، ހުން އައުމާއި ކެއްސުމާއި ގައިގައި ރަތް ބިހިތަކެއް ނެގުމާއި ލޯ ރަތްވުން ހިމެނެއެވެ. ރަތް ބިހިތައް ފެނުމުގެ ހަތަރު ދުވަސްކުރިންނާއި ފަހުން ވެސް ހިމިބިހި ފެތުރުމުގެ ފުރުސަތު އޮންނަކަން ވެސް އެޗްޕީއޭއިން ފާހަގަކުރެއެވެ.