އެމްއޭސީއެލް ފްލެޓުތައް ކައިރީ ހިނގި އެ ހާދިސާގެ ވީޑިއޯ އެއް މިހާރު ވަނީ ސޯޝަލް މީޑިއާގައި އާންމުވެފައެވެ. އެ ވީޑިއޯ އިން ފެންނަނީ ވަޅި ހިފައިގެން އުޅުނު ކަމަށް ބުނާ މީހާ މަގުމަތިން ހިފަހައްޓައިގެން އާންމުންތަކެއް އުޅޭ މަންޒަރެވެ.

މާރާމާރީ ހިންގި ކަމަށް ބުނާ މީހާ ބިންމައްޗަށް ވައްޓާލަފައި އޮތްއިރު، ބަޔަކު އޭނާ ގައިގައި ހިފައިގަނެ، މައިތިރި ކުރަން އުޅޭ މަންޒަރު ވީޑިއޯއިން ފެނެ އެވެ. އަދި އޭނާ ބިންމަތީގައި އޮއްވައި މީހަކު އޭނާގެ މޫނުމަތީގައި ފައިން ޖަހާ މަންޒަރު ވެސް އެ ވީޑިއޯއިން ފެނެއެވެ.

ފުލުހުން މީޑިއާއަށް ދިން މައުލޫމާތުގައި ބުނެފައި ވަނީ ތޫނު ހަތިޔާރާއެކު ފިހާރައަކަށް ވަދެ މާރާމާރީ ހިންގި ކަމަށް ބުނާ މައްސަލައެއް ރިޕޯޓުކޮށްފައިވާ ކަމަށާއި އެ މައްސަލައިގައި ދިވެހި ފިރިހެނަކު ހައްޔަރުކޮށްފައިވާ ކަމަށެވެ.

އެ މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުނެފައިވެއެވެ.