އީރާނުގެ ފުޓްބޯޅަ ފެޑެރޭޝަނުން އާންމުކޮށްފައިވާ މި ނޯޓުގައި ލިޔެފައިވަނީ:

• އެތައް ހާސް އަހަރެއްވީ ޤަދީމީ އީރާނުން ފެށިގެން މިއަދުގެ ތަހުޒީބީ އީރާނާ ހަމައަށް، އީރާނުގެ ރޫޙު ދެމިއޮތީ ނުގުޑާފަދަ ބާރެއްގެ ގޮތުގައެވެ.
• އަހަރުމެން ލޮސް އެންޖެލެސްއަށް އައީ ފަޚުރުވެރިކަމާއެކުގައެވެ. ވާދަކުރީ މާތް އަޚްލާޤާއެކުގައެވެ. އަދި މި ސިޓީ ދޫކޮށް މިދަނީވެސް ފަޚުރުވެރިކަމާއެކުގައެވެ.
• ލޮސް އެންޖެލެސް، ތިޔަކީ ހޫނު މަރުހަބާއާއި ބެހެއްޓި މެހެމާންދާރީއަށްޓަކައި ޝުކުރު އަދާކުރަމެވެ.
• ފާއިތުވެދިޔަ 180 މިނެޓުގެ ތެރޭގައި، މުޅި ހިތާއި، އަޑާއި، އަދި ނަފްސުން އީރާނުގެ ފަހަތުގައި ސާބިތުވެ ތިބި ހުރިހާ އީރާނު ރައްޔިތުންނަށް ޝުކުރު އަދާކުރަމެވެ.
• ދުނިޔޭގެ ހުރިހާ ޤައުމުތަކެއްގެ މެދުގައި ޞުލްޙައާއި، އިޙްތިރާމާއި، އަދި އެކުވެރިކަން ދެމިއޮތުމަށް އެދެމެވެ.

ވިސާގެ ހުރަސްތަކާއި އެމެރިކާގެ ހަރުކަށި އުސޫލުތަކުގެ ސަބަބުން އީރާނު ޓީމުގެ ބައެއް އިސްވެރިންނަށް އެމެރިކާއަށް އެތެރެނުވެވުމުން، އެ ޓީމު މުޅި މުބާރާތުގައި ބޭސްވެގެން ތިބީ މެކްސިކޯގެ ސިޓީއެއް ކަމަށްވާ ޓިހުއާނާގައެވެ.

މެކްސިކޯގައި ތިބެފައި މެޗް ކުޅުމަށް އެމެރިކާއަށް ދަތުރު ކުރުމަށްފަހު މެޗް ނިންމާފައި މަދު ވަގުތު ތަކެއްގެ ތެރޭގައި އެމެރިކާއިން އީރާން ޓީމު ފައިބަން ޖެހެއެވެ. އެހެންކަމުން މި ނޯޓަކީ އެފަދަ ބޮޑެތި ދަތިތަކަކާ ކުރިމަތިލާންޖެހުނު ނަމަވެސް، އެ ސިޓީން ލިބުނު ތަރުހީބަށް ޝުކުރުވެރިވުމުގެ ގޮތުން ދޫކުރި ވަރަށް ރީތި މެސެޖެކެވެ.

އީރާންގެ ކޯޗު މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައިވަނީ ދެވަނަ މެޗަށް އައުމުގެ ހުއްދަ ދިންލެއް ލަސްވި ނަމަވެސް އެޓީމު ލޮސް އެންޖަލިސްއަށް ދިއުމާއި އެކު އިމިގްރޭޝަން އިން ފެނިގެން ހުރިހާ ކަމެއް ވަރަށް ފަސޭހަ ކޮށްދީފައިވާކަން ފާހަގަ ކޮށްފައެވެ.

އީރާނުން މި ވޯލްޑްކަޕްގައި މިހާތަނަށް 2 މެޗް ކުޅެފައިވާއިރު ލިބިފައިވަނީ 2 ޕޮއިންޓެވެ. ފުރަތަމަ މެޗްގައި ނިއުޒިލެންޑާ ވާދަކޮށް 2 ލަނޑުން އެއްވަރު ވެފައިވާއިރު ރޭ ކުޅުނު މެޗްގައި ބެލްޖިއަމް މެޗްވެސް ވަނީ އެއްވެސް ޓީމަކަށް ލަނޑެއް ނުޖެހި އެއްވަރުވެފައެވެ. މިމަހުގެ 27 ގައި އީރާން ބައްދަލުކުރާނީ މިސްރާއެވެ.