ފިޔެސް 15 ޖޫން 2025 (އާދީއްތަ) 09:30
ބާސެލޯ ނަސަންދުރާ މާލެ ހޮޓަލުގައި ރޭ ބޭއްވި މި ރަސްމިއްޔަތުގައި 23 މީހަކަށް އަދި 4 ޓީމް ކެޓަގަރީއަކުން އިނާމު ދިނެވެ.
އެވޯޑް ދިން ކެޓަގަރީ ތަކާއި އެވޯޑް ލިބުނު ފަރާތްތައް:
މިއަހަރުގެ އެވޯޑް ލިބިލެއްވި ފަރާތްތައް.-- ފޮޓޯ: ހޮޓެލިއާ މޯލްޑިވްސް
އެވޯޑް ދިން ކެޓަގަރީ ތަކާއި އެވޯޑް ލިބުނު ޓީމުތައް:
މި އެވޯޑްތަކުގެ އިތުރުން ފަތުރުވެރިކަމުގެ ދާއިރާގައި ދިގު މުއްދަތަކަށް އަގުހުރި ޚިދުމަތްތަކެއް ކޮށްދެއްވާފައިވާ ހަތަރު ބޭފުޅަކަށް ޝަރަފުވެރި ޚާއްސަ އެވޯޑެއްވެސް ދިނެވެ.
"ހޮޓެލިއާ މޯލްޑިވްސް އެވޯޑްސް 2025ގެ ޑެޑިކޭޓެޑް ސާވިސް އެވޯޑް" ގެ ނަމުގައި ދިން މި އެވޯޑު ލިބިވަޑައިގަތް ބޭފުޅުންނަކީ:
ޑެޑިކޭޓެޑް ސާވިސް އެވޯޑް ލިބިލެއްވި ބޭފުޅުން.-- ފޮޓޯ: ހޮޓެލިއާ މޯލްޑިވްސް
މި ހަތަރު ބޭފުޅުންނަކީ ވެސް ފަތުރުވެރިކަމުގެ ދާއިރާގައި ތަފާތު މަސައްކަތްތަކެއް ކުރައްވާފައިވާ ބޭފުޅުންނެވެ.
މުޙައްމަދު ހާޝިމް ކަނޑޫމާ ރިސޯޓުގައި ވަޒީފާ އަދާކުރައްވަން ފެއްޓެވީ ގާޑްނަރެއްގެ ގޮތުގައެވެ. އޭގެ ފަހުން އެފްއެންޑްބީ، މެރިން އޮޕަރޭޝަންސް އަދި ހައުސްކީޕިން ފަދަ ޑިޕާޓްމަންޓްތަކުގައި މަސައްކަތް ކުރައްވާފައިވެއެވެ. އޭނާ ވަނީ، ކަނޑޫމާގައި 38 އަހަރު ހޭދަކުރައްވައިފައެވެ.
މުޙައްމަދު ފުއާދު ފަތުރުވެރިކަމުގެ ދާއިރާގައި މަސައްކަތް ފެއްޓެވީ 1979ގައި ބަނޑޮހުގެ ޕަވަހައުސް ޑްރައިވަރެއްގެ ގޮތުގައެވެ. އޭގެ ފަހުން އިންޖިނިއަރިން ދާއިރާގައި ކުރިއަރަމުން ގޮސް 2001ގައި އިންޖިނިއަރިން މެނޭޖަރުގެ މަގާމާ ހަމައަށް ވަޑައިގެންނެވިއެވެ. އޭނާގެ ލީޑަޝިޕްގެ ދަށުން ބަނޑޮހުގައި ވަނީ ގިނަ މަޝްރޫއުތަކެއް ހިންގަވާފައިފައެވެ.
ހުސައިން މަނިކުފާނު ފަތުރުވެރިކަމުގައި 50 އަހަރު ހޭދަކުރައްވާފައި ވާއިރު، އޭނާ މަސައްކަތް ފެއްޓެވީ ލޯންޗު އޮޕަރޭޝަންސްގައެވެ. އޭގެ ފަހުން ކުރުނބާ، ލޮހިފުށި އަދި ކޮކޯ ޕާމް ދުނިކޮޅު ފަދަ ރިސޯޓުތަކުގައި އެފްއެންޑްބީ ދާއިރާގައި މަސައްކަތް ކުރެއްވިއެވެ. އެންމެ ފަހުން މަސައްކަތް ކުރެއްވީ ކޮކޯ ބޮޑު ހިތީގެ ރެސްޓޯރަންޓް މެނޭޖަރެއްގެ ގޮތުގައެވެ.
އަލީ ރަޝީދު އާދަމް ފަތުރުވެރިކަމުގެ ދާއިރާއަށް ވަދެވަޑައިގަތީ 1992ގައި ވިލާ ގްރޫޕްގެ ރިޒަވޭޝަން ސިސްޓަމް ތައްޔާރުކުރުމުގެ މަސައްކަތުގައި ސޮފްޓްވެއާ ޑިވެލޮޕަރެއްގެ ގޮތުގައެވެ. އޭގެ ފަހުން އޭނާ ވަނީ ސޭލްސް އަދި މާކެޓިންގައި މަސައްކަތް ކުރައްވާފައެވެ. ރާއްޖޭގެ ފަތުރުވެރިކަމަށް ޗައިނާ އަދި އިންޑިއާ ފަދަ މުހިންމު މާކެޓްތައް ތައާރަފުކުރުމުގައި އަލީ ރަޝީދު އާދަމް ވަނީ އިސް ދައުރެއް އަދާކުރައްވައިފައެވެ. އަދި ރާއްޖޭގެ ޓުއަ އޮޕަރޭޓަރުން ކުރިއެރުވުމަށް އޭނާ އެހީތެރިވެވަޑައިގެންނެވިއެވެ.
ހޮޓެލިއާ މޯލްޑިވްސް އެވޯޑްސްއަކީ ރާއްޖޭގެ ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކުގެ ހުނަރާއި ގާބިލުކަން ފާހަގަކޮށް އިނާމު ދޭ ހަމައެކަނި ޕްލެޓްފޯމެވެ.
ހޮޓެލިއާ މޯލްޑިވްސް އެވޯޑްސްއަކީ ރާއްޖޭގެ ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކުގެ ހުނަރާއި ގާބިލުކަން ފާހަގަކޮށް އިނާމު ދޭ ހަމައެކަނި ޕްލެޓްފޯމެވެ.
މި އެވޯޑް ދޭންފެށީ މިދިޔަ އަހަރު އެވެ. އެފަހަރު މި އެވޯޑަށް 300އަށް ވުރެ ގިނަ މީހުން ކުރިމަތިލިއިރު، 100،000އަށް ވުރެ ގިނަ މީހުން ވޯޓު ދިނެވެ. މި އަހަރުގެ އެވޯޑަށް 450އަށް ވުރެ ގިނަ މީހުން ކުރިމަތިލައި، 600،000އަށް ވުރެ ގިނަ މީހުން ވޯޓު ދީފައިވެ އެވެ.
އެވޯޑް ލިބޭ ފަރާތްތައް ހޮވަނީ ޖަޖުންގެ މާކްސްގެ %60 އަދި ވޯޓު ލިބޭ ނިސްބަތުން %40 ހިމަނައިގެންނެވެ.
