ބްރިޖުގެ ޓްރެފިކް ފްލޯއަށް މިރޭ ގެނެވޭ ބަދަލު - ފޮޓޯ: ޕޮލިސް
ބްރިޖްގެ އުތުރު ފަރާތު ލޭނު މިރޭ ބަންދުކުރަނީ
މަރްޔަމް މުޙައްމަދު 15 ޑިސެމްބަރ 2025 (ހޯމަ) 16:34
މާލެއާއި ހުޅުލޭ އަދި ހުޅުމާލެ ގުޅުވައިދޭ ސިނަމާލެ ބްރިޖްގެ މަރާމާތުގެ މަސައްކަތެއް ކުރުމުގެ ގޮތުން އެ ބްރިޖްގެ އުތުރު ފަރާތު ލޭނު ވަގުތީ ގޮތުން މިރޭ ބަންދުކުރުމަށް ނިންމާފައިވާ ކަމަށް ފުލުހުން ހާމަކޮށްފިއެވެ.
ފުލުހުން ބުނީ. ބްރިޖުގެ މަރާމާތުގެ މަސައްކަތް ނިމެންދެން ބްރިޖްގެ އުތުރު ފަރާތު ލޭނު ބަންދުކުރާނެ ކަމަށާ، އެ މަސައްކަތް ފެށުމަށް ހަމަޖެހިފައިވަނީ މިރޭ 11:45 ގައި ކަމަށެވެ..
މި މުއްދަތުގައި ޓްރެފިކް ދަތުރުކުރާނެ ގޮތް ބަދަލުކުރުމަށް ވެސް ވަނީ ހަމަޖެހިފައި ކަމަށް ބުނެ، ބްރިޖުގައި ދުއްވާ ވެހިކަލްތައް ދުއްވުމަށް ގެނައި ބަދަލުތަކާ ޕޯސްޓެއް ވެސް ފުލުހުން އާންމުކޮށްފައި ވެއެވެ.
އެހެންކަމުން އުތުރު ފަރާތު ލޭނު ބަންދުކުރުމުން ދެކުނު ފަރާތު ލޭނުގައި ދެކޮޅަށް ދުއްވޭނެ ކަމަށް އެ ޕޯސްޓުގައި ފުލުހުން ބުނެފައި ވެއެވެ.
ކޮމެންޓް
