އިރާނުން އިޒްރޭލަށް ހަމަލާތައް އޮއްސާލަނީ - ފޮޓޯ: ބަލްކަން ވެބް
އިރާނުގެ ބާރުގަދަ ހަމަލާތަކަށް ބިރުން އިޒްރޭލުގެ ސްކޫލުތައް ބަންދުކޮށްފި
މަރްޔަމް މުޙައްމަދު 22 މާރޗް 2026 (އާދީއްތަ) 10:22
ޔަހޫދީ އިސްރާއީލާއި އެމެރިކާ ގުޅިގެން އިރާނަށް ދެމުންގެންދާ ހަމަލާތަކުގެ ރައްދުގައި އިރާނުން އިޒްރޭލަށް ވަރުގަދަ ހަމަލާތަކެއް ދޭންފެށުމުން އިޒްރޭލުގެ ހުރިހާ ސްކޫލެއް ބަންދުކުރަން ނިންމައިފި ކަމަށް އެ ގައުމުގެ ތައުލީމާ ބެހޭ ވުޒާރާއާ ހަވާލާދީ ބައިނަލްއަގުވާމީ މީޑިއާތަކުން ރިޕޯޓުކޮށްފިއެވެ.
އިޒްރޭލުގެ ދިމޯނާ އަދި އަރަދްއަށް ހަމަލާދީ 100 އަށްވުރެ ގިނަ މީހުން ޒަހަމްކޮށްލިފަހުން، ސްކޫލުތައް ބަންދުކޮށްފައި ވީނަމަވެސް، އޮންލައިން ކޮށް ކިޔަވައިދިނުން ކުރިއަށް ގެންދިއުމަށް ނިންމާފައިވާ ކަމަށާ، އެގޮތަށް ނިންމީ އިޒްރޭލުގެ އަސްކަރިއްޔާގެ ވެރިންނާ މަޝްވަރާކުރުމަށްފަހު ކަމަށް އިޒްރޭލުގެ ތައުލީމާބެހޭ މިނިސްޓަރު ބުންޏެވެ.
މިދިޔަ ފެބްރުއަރީ މަހުގެ 28 ވަނަ ދުވަހު އެމެރިކާ އާއި އިޒްރޭލުން އިރާނަށް ހަމަލާ ދިނުމަށް ފަހު ވެސް، އިޒްރޭލުގެ ހުރިހާ ސްކޫލެއް ބަންދުކުރިއެވެ.
ނަމަވެސް މާ ގިނަދުވަހެއް ނުވެ ސްކޫލްތައް އަލުން ހުޅުވާލައިފައިވާ ވަނިކޮށް، އެ ސްކޫލްތައް އަނެއްކާވެސް ބަންދު މި ކުރީ އިރާން ރޭގައި ދިން ބާަރުގަފަ ހަމަލާތަކާ ގުޅިގެންނެވެ.
ކޮމެންޓް
