ރައީސްގެ ދެކަނބަލުން މިދިޔަ އަހަރު ހައްޖަށް ފުރާވަޑައިގަންނަވަނީ - ފޮޓޯ: ރައީސް އޮފީސް
ރައީސްގެ ދެކަނބަލުން އަނެއްކާވެސް އުމްރާއަށް ފުރާވަޑައިގަންނަވަނީ
2024 ވަނަ އަހަރު ވެސް ރައީސްގެ ދެކަނބަލުން އުމްރާއަށް ވަޑައިގެންފައި ވާއިރު، މިދިޔަ އަހަރު އެ ދެކަނބަލުން ވަނީ ހައްޖަށް ވެސް ވަޑައިގަންނަވާފައި
މަރްޔަމް މުޙައްމަދު 5 އޭޕްރީލް 2026 (އާދީއްތަ) 21:14
ރައީސުލްޖުމްހޫރިއްޔާ މުޙައްމަދު މުއިއްޒުގެ ދެކަނބަލުން އުމްރާގެ އަޅުކަން އަދާކުރެއްވުމަށް މާދަމާ ސައޫދީ އަރަބިއްޔާއަށް ފުރާވަޑައިގަންނަވަން ހަމަޖެހިފައިވާކަމަށް ރައީސުލްޖުމްހޫރިއްޔާގެ އޮފީހުން މިއަދު ހާމަކޮށްފިއެވެ.
މި ދަތުރުފުޅުގެ މެހުމާންދާރީއާއި ހުރިހާ ހަރަދެއް ހަމަޖައްސަވައިދިނީ ސައޫދީ އަރަބިއްޔާގެ ސަރުކާރުން ކަމަށް ރައީސް އޮފީހުން މިއަދު ވަނީ ބުނެފައެވެ.
އަދި މިދިޔަ ފެބުރުވަރީ މަހުގެ ކުރީކޮޅު، މި ދަތުރުފުޅާ ގުޅޭ ހުރިހާ ކަމެއް، ސައޫދީ ސަރުކާރުން ވަނީ ހަމަޖައްސާދީފައިވާ ކަމަށް ވެސް ރައީސް އޮފީހުން ބުންޏެވެ.
2024 ވަނަ އަހަރުގެ މެއި މަހު ވެސް ރައީސްގެ ދެކަނބަލުން ވަނީ އުމްރާގެ އަޅުކަމަށްޓަކައި ސައޫދީ އަރަބިއްޔާ އަށް ވަޑައިގެންފައިކަން ފާހަގަކޮށްލެވެއެވެ. އަދި އެއީ ވެސް ސައުދީ ސަރުކާރުން ދެއްވި ފުރުސަތެއް ކަމަށް އޭރު ވެސް ވަނީ ރައީސްއޮފީހުން ބުނެފައެވެ.
އަދި ހަމަ މިދިޔަ 2025 ވަނަ އަހަރުގެ މެއި މަހުގެ 11 ވަނަ ދުވަހު ވެސް ސައުދީ ރޯޔަލް ކޯޓުން ހިލޭ ހަމަޖައްސަވައިދެއްވާފައިވާ ދަތުރުފުޅެއްގައި ރައީސްގެ ދެކަނބަލުން ހައްޖަށް ވެސް ވަޑައިގެންފައިވާކަން ވެސް ފާހަގަކޮށްލެވެއެވެ.
ކޮމެންޓް
