ސުލައިމާނު މޫދުގައި މަރުވެފައިވާ އޮއްވާ ފެނުނީ، އެރަށު "ބޮޑަވަކި އަތިރި" ސަރަހައްދު މޫދު އަޑިން މިއަދު 15:00 ގައި ކަމަށް ފުލުހުން މައުލޫމާތު ދެއެވެ.

ފުލުހުން ބުނީ، އޭނާ ގެއްލިގެން ފުލުހުންނަށް ރިޕޯޓްކޮށްފައިވަނީ މިއަދު 13:48 އެހާކަށްހާއިރު ކަމަށާ، އެ މީހާ ހޯދުމުގެ މަސައްކަތް ފުލުހުން ކުރަމުންދަނިކޮށް ފެނިފައިވަނީ 15:00 އެހާއިރު ކަމަށެވެ.

އަދި އެ މީހާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް، ކުޅުދުއްފުށީ ހޮސްޕިޓަލާ ހަވާލާދީ ފުލުހުން މައުލޫމާތުދެއެވެ.

މި މައްސަލަ ފުލުހުން ގެންދަނީ ތަހުގީގުކުރަމުންނެވެ.