ރައީސް މުހައްމަދު ނަޝީދު، ދެވަނަ ފަހަރަށް އެމްޑީޕީގެ ޗެއާޕާސަން ކަމަށް.--
ނަޝީދު ބޮޑު ތަފާތަކުން އިންތިހާބު ކާމިޔާބު ކުރައްވައިފި
ފިޔެސް 12 ޖޫން 2026 (ހުކުރު) 22:18
އެމްޑީޕީގެ ޗެއާޕާސަން ހޮވުމަށް މިއަދު ބޭއްވި އިންތިހާބުގެ ވަގުތީ ނަތީޖާ އިއުލާން ކުރަން ފަށާފައިވާއިރު، ކުރީގެ ރައީސް މުހައްމަދު ނަޝީދު ބޮޑު ތަފާތަކުން އިންތިހާބު ކާމިޔާބު ކުރައްވައިފި އެވެ.
މި އިންތިހާބުގައި ނަޝީދުއާ ވާދަކުރެއްވީ ގަލޮޅު ދެކުނު ދާއިރާގެ މެންބަރު މީކާއިލް ނަސީމް އެވެ. މިހާތަނަށް ގުނި ވޯޓު ފޮށިތަކުގެ ނަތީޖައަށް ބަލާއިރު ނަޝީދު އަށް އިންތިހާބު ކާމިޔާބު ކުރެވޭނެ ކަމަށް ޔަގީން ކުރެވެއެވެ.
ޖުމްލަ 241 ވޯޓު ފޮށި ބެހެއްޓި މި އިންތިހާބުގައި ވޯޓު ފޮށިތަކުގެ ދެބައިކުޅަ އެއްބައި މިހާރު ވަނީ ގުނައި ވަގުތީ ނަތީޖާ އިއުލާން ކޮށްފައެވެ.
މިހާތަނަށް ގުނާފައިވާ 125 ފޮށީގެ ވަގުތީ ނަތީޖާއަށް ބަލާއިރު ނަޝީދަށް 7837 ވޯޓު ވަނީ ލިބިވަޑައިގެންފަ އެވެ. މީކާއީލްއަށް އަދި ލިބިވަޑައިގަތީ 3826 ވޯޓެވެ.
ދެބައިކުޅަ އެއްބައި ވޯޓު ފޮށީގެ ވަގުތީ ނަތީޖާއަށް ބަލާއިރު 4011 ވޯޓުގެ ތަފާތުން ކުރީގައި އުޅެނީ ނަޝީދު އެވެ.
ކޮމެންޓް
