ހުސައިން ޝިފާއު
109 އަހަރުގެ ޖަލުހުކުމާއެކު ބޮޑު ޖޫރިމަނާއެއްގެ މައްސަލައެއް ހައިކޯޓުން ބަލައިގެންފި
ޖުނާން އަޙުމަދު 22 ޖޫން 2026 (ހޯމަ) 18:42
ވަގު ޓީޓި ފޮނުވައިގެން ވިޔަފާރިކުރި މައްސަލައަކާ ގުޅިގެން ކޮށްފައިވާ 109 އަހަރުގެ ޖަލުހުކުމަކާއި، ހަތް މިލިއަން ރުފިޔާއިން ޖޫރިމަނާ ކޮށްފައިވާ މައްސަލަތަކެއް ހައިކޯޓަށް ބަލައިގެންފިއެވެ.
ހުސެއިން ޝިފާއު 109 އަހަރަށް ޖަލަށްލާން ހުކުމްކޮށްފައިވަނީ މިދިޔަ އަހަރުގެ ޑިސެމްބަރު މަހު ކަމަށްވާއިރު، އޭނާގެ މައްޗަށް އިއްވާފައިވާ އެ ހުކުމް އިސްތިއުނާފު ކޮށްފައިވަނީ މި އަހަރުގެ މާރިޗު މަހުގެ ތެރޭގައެވެ.
ހައިކޯޓުގައި ރަޖިސްޓްރީން ދައްކާ ގޮތުގައި އޭނާއާ ގުޅުންހުރި 23 މައްސަލައެއް މިހާރު އޮތީ އެ ކޯޓުގައި ރަޖިސްޓްރީކޮށްފައެވެ.
ޕީޖީ (ޕްރޮސިކިއުޓާ ޖެނެރަލް) ގެ އޮފީހުން ޝިފާއުގެ މައްޗަށް, ކޮށްފައިވާ ޖުމުލަ 23 ދައުވާއެއް ސާބިތުވެފައިވާއިރު، އެ މައްސަލަތަކަށް ވަކިވަކިން އިއްވި އަދަބުތަކުގެ ޖުމުލައަކީ 109 އަހަރުކަމަށް ވަނީ ނިންމާފައެވެ.
އަދި މީގެ އިތުރުން އޭނާ ހަތް މިލިޔަން ރުފިޔާއިން ޖޫރިމަނާ ވެސް ކޮށްފައި ވާއިރު، އެ މައްސަލަތަކުގެ އިސްތިއުނާފު ހައިކޯޓަށް ބަލައިގެން ނަމަވެސް މައްސަލަތައް ތާވަލުކުރާނެ ވަކި ތާރީހެއް އަދި އެނގިފައެއް ނުވެއެވެ.
ކޮމެންޓް
