މައުލޫމާތު ލިބޭގޮތުގައި އެރަށު ޖުވައިރިޔާ އުސްމާނާއި، އައިޝަތު ޖުވައިރިޔާ އަށް 20،000ރ. ގެ މުސާރަ ލިބޭ ޕޮލިޓިކަލް ޑިރެކްޓަރުކަމުގެ މަގާމު ދީފައި ވާއިރު، ތެރެއިން ޖުވައިރިޔާ އުސްމާނަށް މަގާމު ދީފައިވަނީ، އޮގަސްޓު 27 ގައެވެ. އަދި އައިޝަތު ޖުވައިރިޔާއަށް ސެޕްޓެމެްބަރު 6 ވަނަ ދުވަހު މަގާމު ދީފައިވާ ކަމަށް ވެސް ލިޔެކިޔުންތަކުން ފެންނަން އެބައޮތެވެ.

އެ ދެ މީހުން ވެސް ޔޫތު މިނިސްޓްރީއަށް އައްޔަނުކޮށްފައިވީ ނަމަވެސް، ވަޒީފާ އަދާކުރަން ޖެހޭ ކަމަށް ވަޒީފާގެ ލިޔުމުގައި ކަނޑައަޅާފައި ވަނީ ހިރިމަރަދޫ ކަމަށެވެ.

މި ދެމީހުންގެ އިތުރުން ވެސް ހިރިމަރަދޫ އެހެން މީހަކަށް ވެސް މިފަދަ މަގާމެއް ދިންކަމުގެ އަޑުތަކެއް ފެތުރިފައިވީ ނަމަވެސް އެމީހާގެ މައުލޫމާތު އަދި ވަނީ ކަށަވަރު ނުވެފައެވެ.

މި ސަރުކާރުން ވަޒީފާ ދިންކަމަށް މައުލޫމާތުލިބޭ ތިން މީހުންނަކީ ވެސް ވެރިކަން ކުރާ ޕީއެންސީ އަށް ނިސްބަތްވާ އެކްޓިވިސްޓުންނެވެ.