މާލެ ޓެކްސީގެ ކާރު ހޮޅި ދަނޑިއަކަށް އުރިފައި.--
މާލެ ޓެކްސީއެއް ހޮޅިދަނޑިއެއްގައި ޖެހި ބޮޑު ގެއްލުމެއް
18 އޮކްޓޯބަރ 2026 (އާދީއްތަ)   09:44
ހުޅުމާލޭގައި ރޭ ފަތިހު އެމްޓީސީސީގެ މާލެ ޓެކްސީގެ ކާރެއް ހޮޅިދަނޑިއެއްގައި ޖެހި ކާރަށް ބޮޑެތި ގެއްލުންތަކެއް ލިބިއްޖެ އެވެ.

ފުލުހުން ބުނީ ސެންޓްރަލް ޕާކުގެ ވަށައިގެން އޮންނަ ބަގީޗާ ހިނގުމުގެ ޕޭވްމަންޓް މަތީގައި ހުރި ހޮޅިދަނޑިއެއްގައި ކާރެއް ޖެހި އެކްސިޑެންޓް ވެފައިވާ ކަމުގެ ރިޕޯޓް ލިބުނީ ރޭ ފަތިހު 4:30 ވީ ފަހުން ކަމަށެވެ.

އެ އެކްސިޑެންޓްގައި، ކާރު ދުއްވަން އިން 28 އަހަރުގެ ދިވެހި ފިރިހެން މީހާއަށް އެކިވަރުގެ އަނިޔާ ވެފައިވާ ކަމަށާއި ނަމަވެސް ސީރިއަސް އަނިޔާއެއް ނުވާ ކަމަށް ފުލުހުން ބުންޏެވެ.

މި މައްސަލައާ ގުޅިގެން، ކާރު ދުއްވަން އިން ޑްރައިވަރުގެ ލައިސަންސް ފުލުހުން ވަނީ ހިފަހައްޓާފަ އެވެ.

ފުލުހުން ބުނީ މި ހާދިސާ ތަހުގީގު ކުރަމުން އަންނަ ކަމަށެވެ.

ކޮމެންޓް