އިމިގްރޭޝަންގެ މުއައްޒަފުންތަކެއް ބިދޭސީ ބަޔަކާ ސުވާލުކުރަނީ - ފޮޓޯ: ފިޔެސް
ޑީޕޯޓުކުރަން އުޅުމުން ޕާސްޕޯޓު ވީދާލި ބިދޭސީއަކު ފުލުހުން ހައްޔަރުކޮށްފި
ހަސަން އިބްރާހީމް 9 ނޮވެމްބަރ 2026 (ހޯމަ)   10:16
ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދާ ގައުމަށް ފޮނުވާލުމަށް، އިމިގްރޭޝަނުން ފެށި ހާއްސަ އޮޕަރޭޝަނެއްގެ ތެރެއިން، އެ އިދާރާގެ ބެލުމުގެ ދަށުން ގައުމަށް ފުރުވާލުމަށް އެއާޕޯޓަށް ނުވަތަ ފުރުމުގެ އިންތިޒާމުތަކަށް ގެންދިޔަ ވަގުތު ޕާސްޕޯޓު ވީދާލި ބިދޭސީ މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.

މި މައްސަލައާ ގުޅިގެން ހައްޔަރުކޮށްފައިވަނީ ބަންގްލަދޭޝްއަށް ނިސްބަތްވާ އުމުރުން 21 އަހަރުގެ ޝޭހް އެމްޑީ މަސުމް ލަތިފް ކަމަށް މައުލޫމާތު ލިބެއެވެ. އޭނާގެ މައްޗަށް އުފުލާފައިވަނީ މުދަލަށް ގެއްލުން ދިނުމުގެ އަމަލެއް ހިންގާފައިވާ ކަމުގެ ދައުވާއެވެ.

ފުލުހުން ހާމަކޮށްފައިވާ ގޮތުގައި އޭނާ އިމިގްރޭޝަންގެ ހޯލްޑިން ސެލްގައި ބަހައްޓާފައި ހުއްޓައި ޕާސްޕޯޓު ވީދާލާފައި ވާއިރު، އޭނާ ހައްޔަރުކުރުމަށްފަހު އަމަލުތައް ހުރިގޮތުން ނަފްސާނީ ހާލަތު ބެލުމަށް އެސެސްމެންޓެއް ހަދާފައިވީ ނަމަވެސް، ޖިނާއީ ދައުވާއެއް ކުރިއަށް ގެންދިއުމަށް އެއްވެސް ހުރަހެއް ނެތް ކަމަށް ކޯޓު އަމުރުގައި ބަޔާންކޮށްފައިވެއެވެ.

މި މައްސަލައާ ގުޅިގެން ކްރިމިނަލް ކޯޓުން ވަނީ އޭނާ ބަންދުގައި ބެހެއްޓުމަށް 15 ދުވަހުގެ މުއްދަތެއް ދީފައެވެ.

ކޮމެންޓް