ފްލޮރިޑާގެ އޮކަލޫސާ ކައުންޓީގެ އޮފިޝަލުން ލަފާކުރާ ގޮތުގައި ނޮވެމްބަރު މަހުގެ ދެވަނަ ހަފްތާގެ ތެރޭގައި އެ ބޯޓު، ގަލްފް އައްސޭރިއަށް ފައްތާލެވޭނެ އެވެ. މޫސުމަށް އަންނަ ބަދަލުތަކާ ގުޅިގެން މި ތާރީހަށް ބަދަލު އައުން އެކަށީގެންވެއެވެ.

މި ބޯޓު ފައްތާލުމަށް ހަމަޖެހިފައިވަނީ ޑެސްޓިންގެ ހުޅަނގުދެކުނުން ގާތްގަނޑަކަށް 22 ނޯޓިކަލް މޭލު (41 ކިލޯމީޓަރު) ބޭރަށެވެ.

"މިއީ ތިމާވެށްޓަށާއި އަހަރުމެންގެ ފަތުރުވެރިކަމުގެ ސިނާއަތަށް ހާއްސަ، އެފަދަ ދެވަނައެއް ނެތް ވަސީލަތެއް އުފެއްދުމަށް އެޅޭ ވަރަށް އުފާވެރި ފިޔަވަޅެއް،" ކައުންޓީގެ އޮފިޝަލުން ނެރުނު ޚަބަރު ބަޔާނެއްގައި ލިޔެފައިވެއެވެ.

ގާތްގަނޑަކަށް 1،000 ފޫޓު (305 މީޓަރު) ދިގު މި ބޯޓަކީ 1952 ވަނަ އަހަރު ކުރި ފުރަތަމަ ދަތުރުގައި އެޓްލާންޓިކް ހުރަސްކުރުމުގެ ސްޕީޑް ރެކޯޑް މުގުރާލި ބޯޓެކެވެ. ތާރީޚީ ތަކެތި ހިމާޔަތްކުރާ ޖަމާއަތްތަކުން މި ބޯޓު ސަލާމަތުން ބޭއްވުމަށް މަސައްކަތްކުރި ނަމަވެސް، ޚަރަދު ބޮޑުވުމުގެ ސަބަބުން އެކަމަށް ވަނީ ހުރަސްއެޅިފައެވެ.

ބޯޓު ފައްތާލުމަށް ތާއީދުކުރާ ފަރާތްތަކުން އުންމީދުކުރަނީ މި ބޯޓު ފައްތާލުމުން، 500 އަށް ވުރެ ގިނަ މަސްނޫއީ ފަރުތަކުގެ ތެރެއިން ކަނޑުގެ ދިރުންތަކުން ފުރިގެންވާ ފާހަގަކޮށްލެވޭ ފަރަކަށް ވެގެންދާނެ ކަމަށާއި، ޑައިވްކުރުމަށް ހާއްސަ މަންޒިލަކަށް ވެގެންދާނެ ކަމަށެވެ.

އަދި މިކަމުގެ ސަބަބުން ޑައިވިން ފިހާރަތަކަށާއި، ކުއްޔަށްދޭ މަސްވެރި އުޅަނދުފަހަރަށާއި ހޮޓާތަކަށް ލޯކަލް ޓޫރިޒަމްގެ ޒަރީއާއިން އަހަރަކު އެތައް މިލިއަން ޑޮލަރެއްގެ އާމްދަނީއެއް ހޯދުމަށް އެހީތެރިވެދޭނެ ކަމަށެވެ.