މާލެ ސިޓީ ކައުންސިލްގެ މިއަދު ބޭއްވި އެ ކައުންސިލްގެ ރަސްމީ އާންމު ޖަލްސާގައި ވާހަކަދައްކަވަމުން މޭޔަރ އާޒިމް ވިދާޅުވީ، މިދިޔަ ތިން މަސްދުވަހުގެ ތެރޭގައި ކައުންސިލުގެ ބަޖެޓުން މި އަދަދު އުނިކޮށްފައިވަނީ ރައްޔިތުންނަށް ފޯރުކޮށްދޭ ހިދުމަތްތަކަށް ހުރަސްއަޅައި، މަސައްކަތްތަކަށް ދަތިކުރުމުގެ ގޮތުން ކަމަށެވެ.

ނަމަވެސް، ލިބިފައިވާ ވަސީލަތްތަކާއި ބަޖެޓުގެ ތެރެއިން ވީ އެންމެ ރަނގަޅަކަށް ރައްޔިތުންނަށް ހިދުމަތް ދެމުންދާނެ ކަމަށް ވިދާޅުވެ މޭޔަރ އާޒިމް ވިދާޅުވީ، ކައުންސިލަށް ގާބިލު މުވައްޒަފުން ނެގުމުގެ މަސައްކަތް ކުރަމުންދަނިކޮށް، އެކަމަށްވެސް ސަރުކާރުގެ އެކި ފަރާތްތަކުން ހުރަސްއަޅައި ދަތިކުރަމުންދާ ކަމަށެވެ.

މާލެ ސިޓީ ކައުންސިލަށް ލިބެންޖެހޭ ބްލޮކް ގްރާންޓުން މި ފައިސާ ކަނޑާލާފައިވަނީ، ކައުންސިލުން ވެމްކޯއަށް ދައްކަންޖެހޭ ފައިސާތަކެއް ނުދައްކާ ހުރުމާ ގުޅިގެން ކަމަށް ބުނެއެވެ.

މި ސަރުކާރުގެ މިފަދަ ނިންމުންތަކުގެ ސަބަބުން، މުވައްޒަފުންނަށް މުސާރަ ދިނުމާއި، މުނިސިޕަލް ހިދުމަތްތައް ދިނުމުގައި ބޮޑެތި ގޮންޖެހުންތަކެއް ކުރިމަތިވެދާނެ ކަމަށް ބުނެ ސިޓީކައުންސިލުން މީގެ ކުރިން ވެސް ވަނީ އެކިފަހަރުމަތިން ކަންބޮޑުވުން ފާޅުކޮށްފަ އެވެ.