
ފައިސަލް މިފަދައިން ވިދާޅުވެ ވާހަކަދެއްކެވީ، ހުޅުމާލޭ ލޯކަލް މާރުކޭޓަށް މިއަދު ކުރެއްވި ޒިޔާރަތެއްގައި ނޫސްވެރިއަކު ދެންނެވި ސުވާލަކަށް ޖަވާބު ދެއްވަމުންނެވެ.
ފައިސަލް ފާހަގަކުރެއްވި ގޮތުގައި، ރައްޔިތުންނާ ސީދާ ގުޅިފައިވާ މިފަދަ ބޮޑު މައްސަލައެއްގައި ވޯޓަކަށް ދާން ރާއްޖޭގެ އެންމެ ބޮޑު ސިޔާސީ ޕާޓީން ގޮވާލުމުން ވެސް ސަރުކާރުން އެކަމަށް އިޖާބަ ނުދިނުމަކީ ކަންބޮޑުވާން ޖެހޭ ކަމެކެވެ.
އަދި ރަސްމާލެ މަޝްރޫއުގެ އެއްބަސްވުމާ މެދު ރައްޔިތުންގެ މެދުގައި ބޮޑެތި ސުވާލުތަކެއް އުފެދިފައިވާއިރު، އެ ރައްޔިތުންގެ އަޑުއެހުން މުހިންމު ކަމަށް އެމަނިކުފާނު ވިދާޅުވިއެވެ.
މީގެ އިތުރުން، މިފަދަ ކަންކަމުގައި ރައްޔިތުންގެ ރުހުމާއެކު ކުރިއަށް ދިއުމަކީ ސަރުކާރަށް އެންމެ ރަނގަޅު އަދި ބުއްދިވެރި ގޮތް ކަމަށް ވިދާޅުވެ، ރައްޔިތުންގެ ހިޔާލާ އެއްގޮތަށް ރައީސް މުއިއްޒު ރުޖޫއަވުމަށް ވެސް ފައިސަލް ވަނީ އެދިވަޑައިގެންފައެވެ.




